Nylig lansert – Svarttrasta syng om natta – roman

Edith + Martha = sant Dette er historia til Edith, som hatar alt og alle. Som gøymer seg i hettegenserar, blir kviskra om i klasserommet, og som mest av alt skulle ønske ho kunne forsvinne heilt og fullt. Men dette er òg historia til Martha, som elskar Beatles, saknar far sin og prøver å sjå det beste i alle, uansett kva. Edith og Martha er ulike som natt og dag, men blir likevel dratt mot kvarandre når dei begynner i same klasse på vidaregåande. Eit uventa vennskap oppstår, og det viser seg at dei har mykje meir til felles enn ein gjerne skulle tru. Svarttrasta syng om natta er ei historie om indre stormar og store sakn. Men det er òg ei kjærleikshistorie, ei historie om tillit og håp, og om å tore å vere seg sjølv, endå ein ikkje er som alle andre. Tone E Solheim (f. 1989) kjem frå Jølster i Sunnfjord kommune. Svarttrasta syng om natta er den første romanen hennar.